Во периодот од 16 до 17 октомври 2025 година, во Париз, Република Франција, се одржа 132 Генерално собрание на Европската организација на воени асоцијации и синдикати (ЕУРОМИЛ). На собранието учество зема и Независниот синдикат на одбраната како полноправна членка.
Првиот дел од генералното собрание беше посветен на следните теми:
- „Десет години од АПНМ во Франција: Напредок и идни предизвици“
- „Правни достигнувања: Од меѓународни пресуди до национални реформи“
- „Декада на практика: Францускиот одговор на правните и институционалните промени“
Во рамки на овој дел свои излагања имаа:
- г-ѓа Ајшегул Узун Маринковиќ, заменик-правен советник, Директорат на правниот советник при Европскиот суд за човекови права (ECtHR);
- г-ѓа Елијан Шемла, поранешен потпретседател на Европскиот комитет за социјални права (ECSR);
- контраадмирал Доминик де Лоргерил; и
- г-ѓа Аида Мумни, адвокат од адвокатската канцеларија MDMH Avocats.
Вториот дел од генералното собрание беше посветен на темата:
- „2025 година: Резервните сили на стратешка раскрсница“,
при што во дебатата учествуваа:
- професор Винс Конели, раководител на студии по психологија при Универзитетот Оксфорд;
- Јуџин Гарган, претседател на Здружението на претставници на резервните одбранбени сили (RDFRA) од Ирска;
- д-р Александра Козиол, виш аналитичар при Полскиот институт за меѓународни прашања (PISM); и
- Анабел Ливе, истражувачка при Фондацијата за стратешки истражувања (FRS).
По завршувањето на пленарните сесии беа одржани регионални состаноци, на кои се дискутираше за актуелните состојби и идните приоритети во насока на подобрување на правата, условите и статусот на припадниците на вооружените сили во земјите-членки на ЕУРОМИЛ.
Учеството на Независниот синдикат на одбраната на ова значајно меѓународно собрание претставува потврда за континуираната посветеност кон зајакнување на регионалната и европската соработка, како и кон унапредување на правата и социјалниот статус на вработените во одбраната.
