Би сакале да упатиме искрена благодарност до Министерот за одбрана за конструктивниот состанок што го одржавме на 29 јуни. Како репрезентивен синдикат, Независниот синдикат на одбраната исклучително го цени неговиот слух и подготвеност за отворен дијалог при изработката на новиот колективен договор, што на наше задоволство беше потврдено и со неговиот јавен и конструктивен став на прес-конференцијата пренесена преку медиумската агенција МИА.
Овој чекор, заедно со позитивните пораки испратени од самиот прес-конференција, јасно ја потврдува заедничката посветеност кон суштинско подобрување на работничките права и подигнување на животниот стандард на вработените.
Посебно охрабрувачки е фактот што Министерот и пред пошироката јавност јасно ја препозна и ја афирмираше потребата за реално покачување на платите, со што директно се вреднува и почитува професионалноста на нашите колеги.
Добиените конкретни насоки за поднесување на нашите синдикални предлози се одлична основа за понатамошно усогласување и градење на поквалитетни решенија. Веруваме дека со ваков конзистентен пристап заснован на взаемно почитување – како на преговарачката маса, така и во јавните настапи — брзо ќе дојдеме до договор кој ќе биде на задоволство на сите страни.
Му благодариме на Министерот за покажаното лидерство, отвореност и доследност во јавните соопштенија, кои влеваат голема доверба кај членството и нè мотивираат уште посилно да работиме во интерес на вработените во одбраната.
Со почит, Независен синдикат на одбраната (НСО)